Picciridda

Descrizione

Picciridda

giochi sula ‘nta strada

cu ‘na pupa ‘nte manu.

A lavi, a vesti, a ccarizzi

e cu ‘nu lazziceddu

ci ttacchi i capiddi

ridennu cu dd’ occhi

chi parunu stiddi.

Si u suli i supra ti bampa

ti nni vai a ‘na funtanedda

ti bagni a facci

e rifrischi magari a to’ bambuledda.

Poi quannu veni a sira

ti ‘ncuminci a ‘ncaminari

picchì si fici l’ura

d’annari a manciari.

E ddu mumentu chi t’a cuccari,

baci a to’ pupa,

ti ppoggi o cuscinu,

pinsannu o jonnu

c’avi ccuminciari.

(Anna Maria Di Simone)